影片
更多
2022-07-19
41 瀏覽
又喺西環舊屋附近搵嘢食，見到呢間餐廳除左門面好靚，最令到我哋留意到嘅係餐廳門口寫住消費可以抽演唱會飛，所以我同家姐又衝入去食嘢兼睇吓可唔可以參加抽獎。😂😂Lunch有套餐，價錢尚算合理，網上見到個個都食龍蝦湯牛角包，兩樣都係我鍾意，一定要試啦，牛角包嚟到見到新鮮焗起脆卜卜，一切開入邊龍蝦湯噴出嚟，外脆內軟加埋龍蝦湯真係極之美味，回味無窮。主菜叫咗咖哩和牛面額，牛肉非常軟腍，有牛味好香好好味，咖哩少少辣特別開胃，撈白飯食一流。另外蟹肉伊麵我覺得有少少中式嘅感覺，蟹肉豐富，每啖都食到蟹肉感覺好滿足，食伊麵多數俾人感覺都會好溜，但可能因為好味道所以我同家姐極速食晒。最後甜品叫咗焦糖燉蛋，焦糖面脆卜卜，燉蛋唔會太甜而且好香滑，有蛋味，作為一個午餐嘅完結，真係非常滿足，如果俾我哋贏到演唱會飛就更加圓滿呢（發夢中）🤣🤣
Lunch有套餐，價錢尚算合理，網上見到個個都食龍蝦湯牛角包，兩樣都係我鍾意，一定要試啦，牛角包嚟到見到新鮮焗起脆卜卜，一切開入邊龍蝦湯噴出嚟，外脆內軟加埋龍蝦湯真係極之美味，回味無窮。
主菜叫咗咖哩和牛面額，牛肉非常軟腍，有牛味好香好好味，咖哩少少辣特別開胃，撈白飯食一流。
另外蟹肉伊麵我覺得有少少中式嘅感覺，蟹肉豐富，每啖都食到蟹肉感覺好滿足，食伊麵多數俾人感覺都會好溜，但可能因為好味道所以我同家姐極速食晒。
最後甜品叫咗焦糖燉蛋，焦糖面脆卜卜，燉蛋唔會太甜而且好香滑，有蛋味，作為一個午餐嘅完結，真係非常滿足，如果俾我哋贏到演唱會飛就更加圓滿呢（發夢中）🤣🤣
張貼
