TERA

營業中

休息中

喺圍坊見到呢間餐廳，咁啱嗰日好想食Pancake，就即刻走入去試吓，結果冇令我失望😋。🥦 蒜香意大利西蘭花 🥦 好惹味的前菜～ 西蘭花煮得啱啱好，唔會過淋。蒜香味好濃郁，每啖都好香口😌。🍗 招牌香煎雞扒煙肉牛角包窩夫伴薯菜🍗叫得招牌又真係幾好味喎！雞扒煎得外脆內嫩，煙肉香脆可口。佢似乎加咗啲芥末，當覺得雞扒有啲油嘅時候，芥末中和咗，配搭得好好。配埋牛角包窩夫同薯菜一齊食，口感層次豐富，感覺好特別，真係一流👍。🦀 明太子蟹肉意粉🦀 意粉正常發揮～ 明太子醬汁濃郁，帶有少少鹹香味，配埋鮮甜嘅蟹肉，味道豐富。意粉煮得剛好，彈牙有嚼勁😋。🥞 開心果梳乎厘班戟🥞梳乎厘班戟鬆軟綿密，入口即溶。開心果味道都算香濃，配埋梳乎厘班戟一齊食都幾夾，每一啖都好滿足😍。