影片
更多
2016-02-05
501 瀏覽
Food Court 位於有些兒出名的嘉名工廠大廈, 有幾出名???? 前幾年, 此大廈的法團, 向其大廈門口不夠100呎的"貞記士多"發出律師信, 要求士多老闆搬走, 原因是, 貞記士多一直無租約的侵佔大廈地方經營. 唔講真係唔知.... 間中都有行經過這間士多, 原來貞記士多已經開了50年, 而不知誰人向士多老闆教路, 與此同時, 士多老闆又入稟法院, 用"時效條例", 申請逆權侵佔, 最終竟然成功並取得業權....哈!... 呢個世界....真係... 原本無端端比人迫走, 依家唔使走...不特止, 還多咗個物業.... 發達...真係唔太難...但...首先你...要霸翻個靚位... 得閒好去搵一搵喇....星期六的荔枝角, 不會比平時的星期一至五少人, 全多得那些批發成衣公司的零售點, 個個行完街, 都會係翻呢頭食午飯, 今天來到這間特別有型的Food Court.... 又點樣有型法??? Food Court 就係好Food Court個種囉...哈哈... 但係Food Court 內的其中一間店, 好有金鐘中環西式快餐feel....三種麵包做的三文治, 今天....
星期六的荔枝角, 不會比平時的星期一至五少人, 全多得那些批發成衣公司的零售點, 個個行完街, 都會係翻呢頭食午飯, 今天來到這間特別有型的Food Court.... 又點樣有型法??? Food Court 就係好Food Court個種囉...哈哈... 但係Food Court 內的其中一間店, 好有金鐘中環西式快餐feel....
三種麵包做的三文治, 今天.....我一定揀牛角包! 知唔知道1月30日是甚麼大日子....? 你應該唔會知道! 因為我都係睇Facebook先知! ... "National Croissant Day"...., 真係唔講都唔知, 每年的1月30日就是"牛角包日", 牛角包都可以有牛角包日....咁..... 香港吧菠蘿包, 都應該諗諗啦....., 我們成日講"法國牛角包", 但原來牛角包並不是出自法國喎...., 據聞....牛角麵是紀念1683年鄂圖曼帝國的撤軍, 當時維也納戰役, 軍隊夜間偷襲, 一位早起床的麵包師傅發現並響警報, 最終偷襲失敗, 為了紀念這次偷襲失敗 (偷襲失敗...都可以紀念??? 可惜...我並未有時間深究...), 麵包師傅們做了一個像鄂圖曼帝國標誌的號角形狀麵包, 稱為Viennoiseries (類似酥皮麵包的意思吧...), 當然, 這些歷史是真是假, 法國人懶得理會...., 反正今日全世界講起牛角包, 都會想起法國的牛角包才是世界最好....
牛角包, 確實易做難精, 用的是Danish酥皮麵包的麵糰, 紋理比一般麵包清楚, 打橫切開, 蜂巢狀愈顯著愈鬆軟, 要知道是否做得好? 不一定要咬一口才知, 出爐後, 拿起, 輕身, 代表高水準, 重身...??? 留翻比你了...
揀了常用於凱撒沙律的Romaine Lettuce, 世上千種萬種生菜, 西式沙律中最常用的三種: Romaine Lettuce, Butter Lettuce, Red Lettuce, 最愛羅馬生菜的原因是, 它比起其他生菜更清甜, 質感較爽脆.
想食法國正宗的牛角包, 相信只能到法國才可享受到了, 傳統特色是超高牛油量, 食完後, 成手都都係油, 唔好話係香港, 就算係法國都甚少食得到, 今時今日, 取而代之的是, 牛油量減半的貨色, 幸好.... 這隻牛角包只是酥香略減, 但口感仍然輕盈鬆脆, 牛油質感十分滿意...
牛角包, 一定配咖啡, 去過巴黎, 你會見到法國人點樣食早餐..... , 就是一杯細得無可再細的espresso, 加一件牛角包. 我見過好多次了, 他們把牛角包塞入那杯細得無可再細的espresso內, 當牛角包索盡那杯espresso後, 便放入口..... 嘩.....個件"濃啡牛角包".... 55... 啫..啫..啫... you know what i mean?? 法國人的品味....真係又令我大開眼界....哈哈哈... 我就無咁變態, 要杯普通凍齋啡, 已經好滿意...., 絕不是行貨的貨式, 面頭有一層薄泡, 是即叫即用咖啡機沖出來, 夠誠意, 味道足, 不酸, 夠香, 加了冰後也味道不減, Good!
張貼
