影片
更多
2018-09-06
3430 瀏覽
話說午夜時分見到電視廣告賣呢間專門食牛嘅616牛肉火鍋專門店,佢哋標榜供應多達差唔多二十款刁鑽牛肉嘅部位,而每款都各有不同嘅肉味同口感,所以就覺得好吸引,就上open rice度睇下佢哋嘅資料,發現原來都有好幾間分店,而尖沙咀呢間就直頭喺姐姐公司隔離街添,於是就捉佢出嚟陪我試下佢哋嘅lunch喇十二點半上到嚟,已經差唔多一半位置都坐滿咗客人,不過啲職員都好有禮貌,唔會因爲繁忙緊而唔理人,佢俾咗個比較靜嘅四人枱我哋坐,等我哋可以坐得舒服啲睇番佢哋嘅餐牌,原來呢度嘅午巿套餐總共有四款,職員就推介我一定要試下呢個客人必點嘅芝士紅燒牛肉麵$48蚊,咁姐姐就揀咗牛四寶湯飯$48蚊,哈哈我想講,其實四個餐都係$48蚊嘅,套餐仲會有嘢飲送又有甜品送,喺尖沙咀區嚟講真係抵到爛呀咁我就口多多問職員小姐午巿係咪只係可以叫呢四個餐呢?原來都唔係㗎喎...佢就拎咗個電子餐牌俾我睇,話晏晝都可以叫小食嘅😍我對心心眼即刻走哂出嚟呀!!!媽呀有我最鍾意食嘅羽衣甘藍呀😍仲要係天婦羅嚟添真係好特別呀我都係第一次見所以諗都唔諗就落埋柯打啦,然後佢仲話我真識食添原來呢個都係佢哋嘅特產之一。呢間餐廳嘅上菜速度都幾快,平均等五
呢間餐廳嘅上菜速度都幾快,平均等五分鐘多小小就已經有得食喇。
芝士紅燒牛肉麵：台灣牛肉麵我就食得多喇,有芝士嘅就真係未曾試過,估唔到加埋一齊嘅味道都夾得到,芝士嘅份量適中唔會太多搞到蓋過哂啲紅燒牛肉味,個湯底除咗紅燒味之外仲有啲甜甜哋咁幾特別,味道算濃啱哂啲鍾意食重口味嘅朋友,大家亦可以放心呢碗麵係一啲都唔辣嘅,而牛肉方面肉質真係好腍,醃得又好入味,麵條亦係我比較鍾意食嘅粗身質地,入口有咬勁
牛四寶湯飯：本身餐牌冇show四寶即係乜嘢,原來係牛筋+牛腩+牛𦟌+牛仔骨,見佢用個小燉盅嚟盛載住都幾精緻,湯底好似幾清咁同埋佢仲有紅蘿蔔+白蘿蔔+西芹,十分之足料姐姐都話啲牛幾好味同埋夠腍,見佢撈啲肉上嚟都有番咁上下大件,正
天婦羅羽衣甘藍：呢個菜真係冇得輸真係冇諗過羽衣甘藍用嚟天婦羅係可以咁好食,炸到脆卜卜,面頭層粉一啲都唔厚,食完絕對唔會覺得好肥膩,趁住佢熱辣辣快啲食真係超級享受,啲菜佢本身都有落小小鹽醃過下所以已經好夠味唔洗點豉油已經好正
菊花冰粉：呢個甜品係跟餐送埋㗎,我冇諗過送嘅甜品佢哋都會咁用心製作,原來呢個冰花嘅質地係好似果凍咁,冰冰涼涼咁,好重嘅菊花香味,好清新,甜甜哋咁可以中和番頭先主菜嘅濃味,值得一讚呀
最後就係隨餐附贈嘅飲品：有三個款呀～烏梅汁啦菊花桂圓露啦同埋洛神玫瑰茶,同個職員都幾好傾,佢好好人咁送多一支俾我哋,原來佢話呢幾支都係佢哋餐廳自家製㗎,我揀咗支烏梅汁飲,酸酸咪咪真係啱哂我,仲覺得可以消消滯添
結果兩個人食到反哂艇都只係$144蚊,飽到上頭殻頂真心滿足!!!我一定會再去食埋佢哋嘅晚巿打邊爐牛牛等我呀！
羽衣甘藍天婦羅
$48
91 瀏覽
0 讚好
0 留言
芝士紅燒牛肉麵
$48
35 瀏覽
0 讚好
0 留言
牛四寶湯飯
$48
24 瀏覽
0 讚好
0 留言
牛四寶湯飯
33 瀏覽
0 讚好
0 留言
菊花冰粉
19 瀏覽
0 讚好
0 留言
菊花冰粉
20 瀏覽
0 讚好
0 留言
烏梅汁+菊花桂圓露+洛神玫瑰茶
12 瀏覽
0 讚好
0 留言
張貼
