影片
更多
2023-04-20
40 瀏覽
嚟咗世貿中心食lunch，發現呢一間同平時食開嘅牛陣放題唔同，呢度主要提供日本產黑毛和牛為主，環境主打日式木系休閑風，亦都比較舒適！Lunch menu提供三款湯底及四種肉類選擇，另外亦包咗前菜、主食、野菜盛合、飲品同甜品，價錢唔算貴。湯底我哋揀咗極黃金鰹魚湯同Cappuccino豆乳蕃茄湯，其中以蕃茄湯最為驚喜，店員會先送上蕃茄湯，再將豆乳打到cappuccino喺我哋面前吱入湯底，令到湯底鮮甜又帶軟滑口感，非常特別。肉類方面，鹿兒島縣產黑毛和牛會有四大片，每片油花分布都好均勻，淥幾秒就可以食得，放入口立即溶化！另外亦都叫咗一份海鮮，今日嘅精選海鮮係油甘魚同廣島蠔，同樣油甘魚都係淥幾秒就可以食得，海鮮配上鰹魚湯更顯鮮甜。除咗肉類仲會有份旬之野菜盛合，係用咗依家嘅時令蔬菜拼成。當中最靚係個菇菇玻璃杯，入邊足足有六款唔同嘅菇類，睇得出餐廳花咗唔少心機。食完之後，仲可以烏冬、蕎麥麵同白飯三選一，強烈推薦跟白飯，店員加埋日本雞蛋嚟幫手炊飯，白飯吸晒蕃茄湯嘅精華嚟食滿足！
嚟咗世貿中心食lunch，發現呢一間同平時食開嘅牛陣放題唔同，呢度主要提供日本產黑毛和牛為主，環境主打日式木系休閑風，亦都比較舒適！
Lunch menu提供三款湯底及四種肉類選擇，另外亦包咗前菜、主食、野菜盛合、飲品同甜品，價錢唔算貴。
湯底我哋揀咗極黃金鰹魚湯同Cappuccino豆乳蕃茄湯，其中以蕃茄湯最為驚喜，店員會先送上蕃茄湯，再將豆乳打到cappuccino喺我哋面前吱入湯底，令到湯底鮮甜又帶軟滑口感，非常特別。
肉類方面，鹿兒島縣產黑毛和牛會有四大片，每片油花分布都好均勻，淥幾秒就可以食得，放入口立即溶化！
另外亦都叫咗一份海鮮，今日嘅精選海鮮係油甘魚同廣島蠔，同樣油甘魚都係淥幾秒就可以食得，海鮮配上鰹魚湯更顯鮮甜。
除咗肉類仲會有份旬之野菜盛合，係用咗依家嘅時令蔬菜拼成。
當中最靚係個菇菇玻璃杯，入邊足足有六款唔同嘅菇類，睇得出餐廳花咗唔少心機。
食完之後，仲可以烏冬、蕎麥麵同白飯三選一，強烈推薦跟白飯，店員加埋日本雞蛋嚟幫手炊飯，白飯吸晒蕃茄湯嘅精華嚟食滿足！
張貼
