牛陣 (德福廣場1期)

營業中

休息中

星期五去九龍灣接老公放工，在德福商場轉左一圈，發現這間牛陣最多人排隊，心想一定不會差，所以就跟著排隊😊店員介紹一款新湯底（冬陰公）老公就覺得好似麻麻地，但經店員介紹就試試啦，湯底原來可以自己調搞酸及辣味，店員好親切教我們點炒好才料才放湯，好快親聞到濃濃冬陰公湯味。 店員真冇介紹錯，湯底酸酸辣辣，我們加左牛肉，雞，牛舌等，但湯底一點都唔肥利，仲越食越開胃，仲追加幾款牛肉，美國肥牛，香口，澳洲上級殼飼牛，嘩，香滑，牛味十足，好好食，仲叫大大隻蠔，肥美多汁，追加再追加，他們的菜都很多選擇、都係最時令蔬菜，好正，拿菜時候，發現有雪糕，重點係hagendaz忍唔住就筆了一球😁湯底實在太好味，再加入鳥冬冬，滿足。 本想埋單走人，店員話你們還有一份點品未上，芒果糯米飯雪條，我跟老公都已經好飽，想放棄，但店員服務態度真係一流，話雪條直得一試，味道跟芒果糯米飯一樣，不太甜，好食呵，好在我們冇放棄，我們埋單後，邊行邊食，就全支食曬，真係冇介紹錯，跟食芒果糯米飯味十足，但唔會滯，好好食。 值得推介這店，服務態度又好，食物又好食，價錢又合理。