影片
更多
2008-10-19
6 瀏覽
沒想過有不少人像我, 未到冬天, 氣溫還徘徊在廿七八度之間, 都喜歡去打邊爐。這間金牌是第一次去, 其貌不揚, 但入到去先知好「墟陷」。於是, 選了最多人叫的牛骨鍋, 再加例牌的肥牛同雜類。個鍋一捧上來, 但見鍋中真的有好大塊牛骨, 雜以牛肺、牛膀、牛腸、牛腩、牛肚等, 一點也不欺場, 如果加把較剪「集集集」, 就好似在街邊賣牛雜一樣。難得的是, 這裡的牛雜真的有街頭風味, 我未試過北角著名的十三座牛雜, 但這裡的肺、膀都夠係好夠味, 口感亦佳。最出色的, 竟然係牛腩 ---------- 自問已經被清湯腩所俘擄, 對其他做法難以看得上眼, 但這裡的牛腩, 有著以前食「嗱渣麵」的牛腩味道, 片成一片片(絕非一大舊), 片片鬆軟, 勁! 唔該D粉麵老闆來觀摩一下, 然後返去自己舖, 將D好似蔗渣的牛腩拿去榨蔗汁吧!肥牛, 老實講, 貴而不值票價, 完全被牛雜比下去。還有一個罕見的蘇杭餃, 滾得滾「皮肉分離」, 味道亦不見有何特色。於是, 留意到鄰桌有人叫公仔麵, 便試試, 那個牛雜湯真係好正, 公仔麵毋須加湯粉, 滾一會, 加麻油, 好味到打冷震! 我提議出前一丁可以考慮整個「牛雜味」,
這間金牌是第一次去, 其貌不揚, 但入到去先知好「墟陷」。於是, 選了最多人叫的牛骨鍋, 再加例牌的肥牛同雜類。
個鍋一捧上來, 但見鍋中真的有好大塊牛骨, 雜以牛肺、牛膀、牛腸、牛腩、牛肚等, 一點也不欺場, 如果加把較剪「集集集」, 就好似在街邊賣牛雜一樣。難得的是, 這裡的牛雜真的有街頭風味, 我未試過北角著名的十三座牛雜, 但這裡的肺、膀都夠係好夠味, 口感亦佳。最出色的, 竟然係牛腩 ---------- 自問已經被清湯腩所俘擄, 對其他做法難以看得上眼, 但這裡的牛腩, 有著以前食「嗱渣麵」的牛腩味道, 片成一片片(絕非一大舊), 片片鬆軟, 勁! 唔該D粉麵老闆來觀摩一下, 然後返去自己舖, 將D好似蔗渣的牛腩拿去榨蔗汁吧!
肥牛, 老實講, 貴而不值票價, 完全被牛雜比下去。還有一個罕見的蘇杭餃, 滾得滾「皮肉分離」, 味道亦不見有何特色。於是, 留意到鄰桌有人叫公仔麵, 便試試, 那個牛雜湯真係好正, 公仔麵毋須加湯粉, 滾一會, 加麻油, 好味到打冷震! 我提議出前一丁可以考慮整個「牛雜味」, 肯定迷死街坊街里!
結論係, 叫牛骨鍋加公仔麵, 夠啦! D牛雜多到夠三個人食, 再叫肥牛係浪費, 海鮮呢 .......... 自己諗啦!
張貼