樂園麵家

營業中

休息中

今日星期日放假，諗住到酒樓嘆吓茶，點知茶樓好多人，要等位好耐，記起商場下一層，有一間食牛雜粉麵嘅餐廳，一去到又係坐滿人（因為店舖唔係好大），唯有買外賣回家吃吧！自從觀塘裕民坊清拆後，都好耐無食到碗好好味嘅牛雜牛腩麵；响油塘呢間，總算不過不失，牛雜牛腩都好稔滑，味道都唔錯嘅！我點咗一碗牛雜河、一碗牛腩米，如果加多七元，仲可以係一個套餐，有牛雜粉麵、油菜、一杯凍飲，都幾抵食！望吓仲有炸魚皮、炸魚骨，魚皮好香脆鬆化，好味！原來除牛雜粉麵，現在多咗茶餐廳嘅食品，多元化咗，迎合唔同嘅街坊口味喇！