陳儀興玫瑰餐廳

營業中

休息中

今晚約了朋友傾點事，朋友在新蒲崗放工，就順道在附近食晚飯，見到這家陳儀興玫瑰餐廳有牛雜雞煲，就來過過口癮。環境乾淨企理，與一般的小炒店不同，侍者服務十分貼心有禮，有不少卡位，可以慢慢食慢慢傾。今晚是為了牛雜雞煲而來的，餐廳亦有不同的火鍋鍋底，亦有提供小炒小菜，價位適中。魔鬼牛雜雞煲 (半隻 $288)一上枱一股麻辣香氣撲鼻而來，嗜辣的我們點了中辣，一嚐雞件，辣得舌尖發麻，味道令人上癮，注意雞煲會越煮越辣，醬汁特別惹味，味道令人上癮，雞件份量多，亦比想像中嫩滑而味道豐厚濃郁，另外的主角牛雜份量亦足，有齊牛肚、牛肺、牛膀、牛腸，邪惡感爆燈。生菜跟牛雜雞煲送的生菜，入口鮮甜清爽，一解火鍋的油膩。點牛雜雞煲，吃完後可以免費轉多多芫茜湯底，但嗜辣的我們只以雞煲加湯，原汁原味。招牌手切肥牛(細 $198)雪花紋理清晰，分佈均勻，口感軟腍，入口帶著油脂香氣，牛肉味濃郁，一碟份量二人分吃剛剛好。超肥鵝腸 ($98)用上新鮮的肥鵝腸，腸身爽脆，帶有適量鵝脂，一咬細嚐得到獨有的鵝羶香味，非一般街外無味啤水貨色可以相比。凍檸樂 ($18)最後打邊爐少不了的可樂，檸底有足足半個檸檬，十分足料。