二當家粉麵

營業中

休息中

經過見到有新店，試下啦！下午茶時間，人唔多。牛雜雲吞河牛雜炆得軟淋（但味道就偏淡），草肚牛肺牛腸算入味，牛膀就一般，雲吞細粒，而且味道只算合格，可試可不試，河粉既份量好少，真係就番個碗（好淺），幼身河粉（似越式湯河粉）較淋及滑身。同另外三間粉麵比較份量真係最少。見另外幾個食評，都話牛腩/崩沙好食，如有機會再食，嗌撈麵應該穩陣d/我指份量。咖啡就大大杯，冇特別。光猛，地方乾淨企理。雙拼粉麵加凍飲$50（好似係下午茶包冷熱飲），反而飯餐都係$50＋$3。睇下係墟內有冇競爭力，呢條街同d食店，都轉得幾密。