影片
更多
2023-08-31
34 瀏覽
九龍灣近牛頭角得寶商場, 商場大翻新過, 進駐不少食店, 附近有間狸貓居酒屋, 餐廳雖然做屋邨生意, 但舖頭裝潢都好有心思; 呢間居酒屋主打日式便當和拉麵, 見到餐牌價錢唔貴, 仲有一啲串燒, 燒物; 一於入去試吓先！餐廳裝修有心思, 牆上壁畫充滿日本風情, 餐牌以便當, 壽喜燒, 拉麵同小食為主, 食物質素唔錯, 而且價錢貼地, 性價比頗高, 比起連鎖集團, 更加親民。吉列豬扒拉麵 (地獄湯) - $56吉列豬扒炸到脆卜卜, 多脆內嫩, 雖然唔係厚切, 但厚度啱啱好, 配上沙律醬加添美味。地獄湯拉麵🍜唔算辣, 但拉麵麵好多配菜, 有半隻流心蛋, 海苔, 蘿蔔乾等, 都幾豐富, 好抵食。鹽燒牛肉煎飯（咖喱汁）- $60牛肉燒🍛得恰到好處, 煎飯香氣四溢, 又有脆口口感, 加埋咖喱汁, 帶出濃郁嘅香辣味, 每一口都充滿著牛肉同咖喱香味。 日式嘅甜咖喱真係食極都唔會厭呀!芥末脆魚柳 (配wasabi汁) - $36炸到脆卜卜嘅魚柳, 外脆內嫩, 魚柳又夠厚, 又滑, 配上芥末沙律醬, 感覺冇咁油膩。荔枝煙肉卷 (一串) - $22煙肉包住荔枝一齊燒過🍢, 外面煙肉燒到香脆, 內裡暖烘烘荔枝
吉列豬扒拉麵 (地獄湯) - $56
吉列豬扒炸到脆卜卜, 多脆內嫩, 雖然唔係厚切, 但厚度啱啱好, 配上沙律醬加添美味。地獄湯拉麵🍜唔算辣, 但拉麵麵好多配菜, 有半隻流心蛋, 海苔, 蘿蔔乾等, 都幾豐富, 好抵食。
鹽燒牛肉煎飯（咖喱汁）- $60
牛肉燒🍛得恰到好處, 煎飯香氣四溢, 又有脆口口感, 加埋咖喱汁, 帶出濃郁嘅香辣味, 每一口都充滿著牛肉同咖喱香味。 日式嘅甜咖喱真係食極都唔會厭呀!
芥末脆魚柳 (配wasabi汁) - $36
炸到脆卜卜嘅魚柳, 外脆內嫩, 魚柳又夠厚, 又滑, 配上芥末沙律醬, 感覺冇咁油膩。
荔枝煙肉卷 (一串) - $22
煙肉包住荔枝一齊燒過🍢, 外面煙肉燒到香脆, 內裡暖烘烘荔枝好清甜, 爆汁, 好特別。
手打蜂蜜檸檬紅茶 - $18
百香果綠茶 - $18
食完飲返杯🥤冰凍紅茶, 綠茶, 真係透心涼。
張貼
