華安餐廳

營業中

休息中

牛頭角街坊同附近返工嘅人都會識華安。特別每到午餐時間，餐廳就會坐滿人。餐廳地方比較隔涉，如果唔係去開附近應該唔會為意呢間茶記。見到其他食客叫嘅食物賣相，都令到流晒口水。餐牌嘅選擇花多潦亂唔知叫咩好，如果我喺附近返工嘅話，都唔介意日日嚟食。常餐午餐 $58吉列雞扒/餐肉/炒蛋 配雞湯通粉個人覺得當日雞湯偏淡，配上通粉食落稍為遜色。吉列雞扒香脆內軟，切開肉汁流出嚟。外皮唔會太厚，味道十分之入味，加分！餐肉炸到適中，唔會乾柴柴，保留裏面軟熟口感。滑蛋略嫌過熟。印式椒鹽豬扒煎蛋飯 $55豬扒份量大塊，薄身鬆軟。食落帶有咖喱味帶有肉汁。豬扒上面冇醃料漿住，唔會帶有過濃嘅香料味。即使飯配上適量嘅豉油，豬扒冇汁都唔會覺得乾身。