break (已結業)

觀塘海濱匯星期六日去真係唔錯，人少少又靜又chill！之前幾間西餐都食過，今次去另一間洋風cafe，🪴一邊用植物做圍欄，🪟一邊係落地玻璃，採光十足，非常開揚，好有置身後花園嘅感覺！🍂聽著日文歌，歎日式料理、輕食同精品咖啡，最啱 take a break！呢間餐廳嘅食物配搭看似普通，都係平時食開嘅日式料理，但無論擺盤定配菜，你會發現關鍵在細節，細心品嚐就會發現到驚喜。🥪玉子燒吉列豬扒三文治 $88呢個三文治個名好似好普通，不過食得出用咗好多心機，玉子同塊豬扒一樣咁厚，好腍好甜，豬扒都幾脆，而麵包烘咗底，整體好香口。伴碟除咗有沙律菜，仲有西柚、橙同蘋果片，食落爽甜清新！🍝北海道珍寶帶子•味噌燒魷魚•茄子•天婦羅•蟹膏•闊條麵 $168呢個擺盤好有藝術感，上面嘅葉唔止裝飾，炸過之後好鬆化，入口即溶，鹹鹹哋有香味，而茄子天婦羅炸得好乾身，食落有啲似魚乾，兩樣都好特別！而蟹膏醬闊條麵掛滿濃濃嘅蟹膏醬，煙煙韌韌，鹹香十足！🍵季節特飲 - hoji kuri $40.6呢杯季節特飲好出色！濃郁嘅焙茶餘韻久久不散，上層嘅奶泡濃厚幼滑，下層仲有粒粒栗子碎，微微嘅焦香同堅果味，好有秋天嘅感覺！🎉原來下午茶