616牛肉火鍋專門店

營業中

休息中

之前已經黎過呢間616，我以為只係有打邊爐，但原來係有午市仲要唔係打邊爐，見午市人不太多，上去舒舒服服食餐飯先。616主打牛，雖然午市唔係打邊爐，但當然都係離不開牛啦。牛餐選擇不多，只有四款，對於患有選擇困難症的我來說仲好，唔洗有太多選擇😏。我㨂左個芝士紅燒牛肉麵，牛肉好淋，湯底亦濃郁好飲，麵質亦適中，唯獨冇乜芝士味，仲好啦，冇咁溜！另外㨂左個香煎吊龍扒配黑椒汁，牛扒肉味豐富，好有口感，不錯不錯！👍🏻隨餐附送嘅菊花冰粉，好水，有小小似啫哩，好香菊花味，感覺都幾清心☺️。烏梅汁酸酸甜甜，似話梅味，解渴一流。