牛響度麵館 (Aeon Style)

營業中

休息中

今次去咗黃埔天地AEON入面嘅牛響度麵館食飯，佢嘅刀削麵口感好好，而且湯底都唔錯。我分別叫咗一個沙茶牛三寶刀削麵同埋牛腩刀削麵，可以配牛骨湯或者豬骨湯底。個人覺得牛骨湯更加清甜好飲，而裏面嘅肉質都唔錯，肥瘦適中。另外我哋仲加配左一個手撕雞，雖然係蒜泥味，但都會有辣椒油，所以會有少少辣，但係非常之香，而且幾好食。而且跟餐仲可以$12加配一支飲品，我就叫咗一支百香果冷泡茶同埋烏龍茶。個人覺得烏龍茶偏濃，而百香果冷泡茶就完全唔酸，甜甜地幾好飲。