蝦魂

營業中

休息中

上次嚟試咗佢哋嘅蝦湯，非常之好好味，今日又再過嚟食拉麵。今次佢哋多咗款期間限定嘅拉麵。全名都幾長。和牛雲吞、燒干貝、叉燒、牛骨湯拉麵🍜佢哋除咗雞白湯同埋蝦湯，本身有一款牛骨湯底嘅拉麵。今次呢款限定就加入咗和牛雲吞同埋燒帶子，仲有一片叉燒同埋兩塊雞胸，最特別係有一隻冬菇喺面。送到嚟就聞到好香牛油香。湯底係好純好細緻嘅牛味，裏面仲有啲煙肉粒調味，有啲偏油嘅。拉麵入邊加咗麥粒，有小麥香又夠煙靭，紋身本身都掛湯啊，所以食落都好暢順夠味道。嗰粒和牛餛飩有幾特別嘅裏便啲肉餡就似和牛漢堡。其餘配料都幾出色。另外我冇試過雞白湯啊，所以就叫咗一碗雞湯蘿蔔做小食。雞湯都有啲乾，所以個雞湯係好濃味蘿蔔就煮到腍晒，作為一個小食青青地係幾好嘅。