滿滿食堂

營業中

休息中

每天中午門口都大排長龍，認真望下餐牌真係唔貴wor！午餐可能要排一個鐘，我都係夜晚先過來試下！位置同大部分平價燒肉舖差唔多，唔算闊落，但乾淨企利嘅！一份套餐包括自助區+湯+白飯。自助區🥗未食牛之前已經可以在自助區拿到唔少讚嘢，最驚訝是有無限量溫泉蛋！小菜都有三款，係好味嘅小菜，有我最愛豆芽！飯🍚加錢可以轉紫菜飯或咖喱飯。我轉左紫菜飯配埋溫泉蛋，就好似食牛角咁，加上有豆芽，好豐富！牛🥩當然最值得關心係肉質啦，我叫做貴肉同一般肉。個人認為好符合呢個價錢嘅水準，一d都唔差，絕對唔係某某樂牛扒嘅水準😭和牛有donki水準，西冷就有凍肉舖基本水準。唯一要講就係，檯面唔大，放一塊超級超級超級熱嘅石板就有小小危險咁，一路我都唔可以放心食嘢，好擔心自己燙襯😭我見隔離檯女仔都係全程拎高飯碗食飯🤦如果可以改進就更好啦！比如加個高d嘅檯面專放石板。