影片
更多
2023-09-19
59 瀏覽
一對鍾意食辣同唔食得辣嘅朋友出嚟食火鍋，最好就係叫鴛鴦鍋，揀咗一個重慶麻辣鍋嘅中辣，同埋黃金皮蛋芫荽湯底，總有一個湯底啱自己食由於我哋兩個都好鍾意食牛肉，揀咗一個好抵食嘅至尊牛魔王，裏面有美國封門柳、安格斯牛肩胛、頂級牛板腱首先賣相已經好驚喜，有一大隻金牛身上鋪滿晒牛肉，打卡一流，而且份量好足夠，三四個人食都可以牛嘅肉質鮮嫩，只要滾幾秒已經食得，牛肉味濃郁，每一款牛肉都質素唔錯，以呢個價錢嚟講好抵食，牛肉亦唔會太肥，油脂分布平均另外叫咗個手打墨魚丸，墨魚丸超級彈牙，好爽口，同一般出面嘅粉團墨魚丸差好遠，食得出新鮮嘅墨魚口感甜粟米味道清甜，亦好新鮮，中和一下食肉嘅油膩感覺打邊爐當然唔少得飲杯啤酒，叫咗支藍妹，夠晒清爽餐廳生意都唔錯，下次再試吓其他湯底同埋配料
由於我哋兩個都好鍾意食牛肉，揀咗一個好抵食嘅至尊牛魔王，裏面有美國封門柳、安格斯牛肩胛、頂級牛板腱
首先賣相已經好驚喜，有一大隻金牛身上鋪滿晒牛肉，打卡一流，而且份量好足夠，三四個人食都可以
牛嘅肉質鮮嫩，只要滾幾秒已經食得，牛肉味濃郁，每一款牛肉都質素唔錯，以呢個價錢嚟講好抵食，牛肉亦唔會太肥，油脂分布平均
另外叫咗個手打墨魚丸，墨魚丸超級彈牙，好爽口，同一般出面嘅粉團墨魚丸差好遠，食得出新鮮嘅墨魚口感
甜粟米味道清甜，亦好新鮮，中和一下食肉嘅油膩感覺
打邊爐當然唔少得飲杯啤酒，叫咗支藍妹，夠晒清爽
餐廳生意都唔錯，下次再試吓其他湯底同埋配料
張貼
