無極牛排 (已結業)

最近突然好想食牛，所以就找到這家餐廳專門食牛的,見到呢間幾特別，特別之處是熱石，自己可以調教牛肉的熟度。餐廳環境不錯，坐得舒服，可以慢慢坐著嘆餐牛，適合同情侶或朋友一起來，慢慢食慢慢傾，店員都唔會有意思要趕走你。 呢度有4牛比你選，分別有牛肩胛，無骨牛小排，牛柳，西冷，好似叫車仔麵個做法，tick自己想要的牛部位。我地落左order後，就自己去自助檯拿醬料，呢度有燒肉汁，喼汁，酸汁，茄汁，芥末，可以按個人口味自己選，呢幾種汁都唔錯呢。 我地叫左牛肩胛和無骨牛小排兩個套餐，有飯同任食沙律送，牛肩胛同無骨牛小排都係比較少見的，不過肉質比我地想像中的好味道，肉質好軟，不會很韌，如果想食熟小小，可以系熱石上自己再煎過一陣，因為塊熱石的熱可以維持到幾耐。