影片
更多
2019-04-16
23 瀏覽
之前去旅行食得太多，返到香港無乜胃口。連續幾日簡單食碗魚蛋粉就算。吃貨守唔到幾日又出動食好東西。今日就嚟到一盛極牛試下個拉麵，地點好易揾，喺天文台道有個極大極吸睛嘅招牌。小店面唔算大，一般餐廳務求做多d生意，擺位都會枱貼枱。但我好欣賞呢間餐廳無咁做，食客坐得舒適，傾計方便 ！單單係呢一點已經肯定我會再幫襯！食物方面，基本上3款選擇，牛骨湯拉麵、白牛拉麵，同埋飯。牛骨湯顧名思義就係以牛骨熬製，而白牛就係加入白松露嘅牛骨湯拉麵。拎住張落單紙，根據自己喜好揀配料。特別在於牛肉可以揀刺身或者火炙，牛肉係用熊本和牛，店員主刺身就牛肉味濃、火炙就油脂豐富。我就揀咗火炙白牛。一上枱松露味好香！呷一口牛骨湯，味道濃郁而不油膩，亦唔會過咸。麵底都值得一讚，麵條比一般拉麵短，但拉麵好彈牙，而且有淡淡嘅蛋香味。最後主角當然係火炙熊本和牛，薄片牛肉經過火槍嘅燒燙，牛肉脂肪被迫出嚟，牛肉嫩滑入口即溶，所以建議牛魔王叫兩份牛或以上先會夠皮！下次我會試試刺身，相信配合濃郁嘅牛骨湯，一定會level up!
食物方面，基本上3款選擇，牛骨湯拉麵、白牛拉麵，同埋飯。牛骨湯顧名思義就係以牛骨熬製，而白牛就係加入白松露嘅牛骨湯拉麵。
拎住張落單紙，根據自己喜好揀配料。特別在於牛肉可以揀刺身或者火炙，牛肉係用熊本和牛，店員主刺身就牛肉味濃、火炙就油脂豐富。我就揀咗火炙白牛。
一上枱松露味好香！呷一口牛骨湯，味道濃郁而不油膩，亦唔會過咸。麵底都值得一讚，麵條比一般拉麵短，但拉麵好彈牙，而且有淡淡嘅蛋香味。
最後主角當然係火炙熊本和牛，薄片牛肉經過火槍嘅燒燙，牛肉脂肪被迫出嚟，牛肉嫩滑入口即溶，所以建議牛魔王叫兩份牛或以上先會夠皮！下次我會試試刺身，相信配合濃郁嘅牛骨湯，一定會level up!
張貼
