牛一 (元朗廣場) (已結業)

今日收工同幾個朋友走咗嚟元朗廣場度食牛一晚餐時間都等咗一陣間，但係都唔算好耐30分鐘到就可以入座。。因為我哋冇book位所以都唔算等得耐。呢度啲格局都幾ok，出面仲有自助bar可以出去夾嘢食同拎飲品。牛肉嗰啲種類都有好多揀，而且佢啲牛真係真心好好食。出面自助嗰度仲可以攞好多其他嘅食物。仲有啲熟食，如咖哩牛腩或者係雪糕都可以攞。啱曬一班朋友聚會一路傾一路食，啲店員服務都好好。。仲有值得一提既係佢個湯底好好味，如果係牛魔王就啱曬嚟食呢間啦。值回票價。正！