影片
更多
2021-06-01
614 瀏覽
天氣炎熱但仍然無阻想食雞煲的決心，今日放工黎到灣仔呢間特色雞煲火鍋店食晚飯。特色之處在於呢間餐廳除了提供一煲兩味（雞煲+火鍋）之外，獨立房間裝修走校園風，類似每一個不同的班房配襯不同畫風。講返主角：雞煲，每檯先上一個招牌雞煲，可以揀辣度，今次我就揀左少辣，個人唔係好食得辣都食到。總係覺得雞煲帶點辣度先夠惹味。雞煲份量好足夠，雞肉好嫩滑，加上薑蔥洋蔥等。特別之處係加上油炸鬼！第一次食雞煲係加油炸鬼，感覺又好正窩，油炸鬼蘸上雞的醬汁，脆脆地的口感好配合。食完雞煲之後可以轉火鍋啦！湯底是蟹鍋花甲鍋，超得意的minion出沒注意，原來係用上南瓜製成的，得多口問店員先知係灣仔店獨有的。而今次挑選的套餐是牛魔王套餐，食肉獸的至愛。因為可以一次試曬幾款牛肉，有黑毛和牛肉眼、肥牛心片、安格斯牛小排、美國肥牛和牛頸脊等，我自己就最鍾意牛頸脊，肉味濃又腍身。套餐除左牛肉外仲送埋個蔬菜藍，唔使擔心太膩口。但係火鍋我都係比較貪心啲，鍾意試埋其他配料。原來仲可以免費揀其他配料，我就揀左豆腐、魚皮餃、蟹棒和鴨血等。呢個套餐夠曬豐富，可以滿足有選擇困難症的客人。食完正餐仲有甜品送！自家製牛奶奶凍，奶味突出，夠cre
講返主角：雞煲，每檯先上一個招牌雞煲，可以揀辣度，今次我就揀左少辣，個人唔係好食得辣都食到。總係覺得雞煲帶點辣度先夠惹味。雞煲份量好足夠，雞肉好嫩滑，加上薑蔥洋蔥等。特別之處係加上油炸鬼！第一次食雞煲係加油炸鬼，感覺又好正窩，油炸鬼蘸上雞的醬汁，脆脆地的口感好配合。
食完雞煲之後可以轉火鍋啦！
湯底是蟹鍋花甲鍋，超得意的minion出沒注意，原來係用上南瓜製成的，得多口問店員先知係灣仔店獨有的。
而今次挑選的套餐是牛魔王套餐，食肉獸的至愛。因為可以一次試曬幾款牛肉，有黑毛和牛肉眼、肥牛心片、安格斯牛小排、美國肥牛和牛頸脊等，我自己就最鍾意牛頸脊，肉味濃又腍身。
套餐除左牛肉外仲送埋個蔬菜藍，唔使擔心太膩口。但係火鍋我都係比較貪心啲，鍾意試埋其他配料。原來仲可以免費揀其他配料，我就揀左豆腐、魚皮餃、蟹棒和鴨血等。呢個套餐夠曬豐富，可以滿足有選擇困難症的客人。
食完正餐仲有甜品送！自家製牛奶奶凍，奶味突出，夠creamy。
下次食雞煲火鍋又多一個選擇了！
張貼
