野郎Stone (已結業)

（懶人又來隨心寫食評）9/5/2019終有機會試到一直想試的野郎stone， 6:40pm到，8成full (其實真係好少位），好彩2個可以直入。我地叫咗兩款肉各300g, share:圖2 肩胛肉眼：咁啱呢一舊有啲筋，同埋有d肥。肉味比較淡。圖1 牛肋間隔膜：感覺上肉味比較濃，同埋容易切，亦比較‘淋’身，就算燒耐咗都唔會‘un’.我地都有加$30 做set （包：一罐汽水、另外意粉、飯、薯容、沙律任食）。個薯容吾夠熱、白飯還好，但食吾出係日本米、同埋太淋、味噌湯真的有蜆，但比一般淡、反而個沙律（其實係椰菜絲上面有少少薯片碎）出奇地好吃，我食了2個。😋😋 之前睇openrice 話大排長龍，今日又唔洗，唔知係熱潮過咗定係咁岩。店內有提供唔同醬汁，但係我自己最鍾意食係白松露蒜汁，我用嚟撈飯😬😬 另外柚子醋就用來食沙律。雖然抽風（直情唔覺有抽風設備）麻麻哋。service 幾好的，負責全餐同點餐嘅都係同一個人，面帶笑容。佢啲肉都幾好食，又可以因應自己胃口去決定食幾多份量，所以如果有機會嘅話我都想試埋西冷同牛柳。