響 - Hibiki 日本燒肉 (已結業)

今日約埋朋友大食一餐，貪心的我，每樣都想試下，梗係去食放題啦！ 好友介紹呢間燒肉放題。上網睇過口碑都唔錯 即刻book位先！餐廳喺佐敦樓上舖地方寬敞 一嚟到已經座無虛席。 而家每人送半隻龍蝦，四位或以上仲額外贈送 喜之次 一條！烤魚 喜之次新鮮優質 燒烤外 外皮鬆脆 焦香撲鼻 肉質嫩滑多汁!和牛燒肉呢度出名燒肉食材高質， 急不及待即刻點咗澳洲和牛西冷、澳洲和牛腹腔、美國牛肋骨和米澤三元豚西冷。和牛西冷，油脂甘香，牛味濃沃。牛腹腔軟熟煙韌有嚼口。封門柳脂肪少，肉質嫩滑鮮甜。 牛肋骨，脂肪分佈均勻，陣陣焦香特別惹味! 一口牛柳粒，嫩滑juicy有口感！炸物天婦羅，炸得好脆冇油益味，特有松葉蟹天婦羅，肉質嫩滑鮮甜！芝士年糕，包裹著芝士軟心，外皮脆炸香口，一咬開軟滑芝士即時溢出，芝香味濃！餐廳設有自助區， 提供各式汽水和酒類 、清酒、梅酒、紅酒和啤酒都有齊。仲有精緻甜品、雪糕和雪條，可惜未食到甜品都已經飽曬了！