喜鍋 海鮮‧火鍋‧小廚 (已結業)

🍲🤍港式邊爐@《喜鍋 海鮮‧火鍋‧小廚 》🐖番工番到十下十下，收工繼續去烚下烚下！🤭「🌟Like and share FB 有88折+送前菜！」 🥬前菜係麻醬冰菜，口感好特別!好中意食!平時都唔見餐廳有。出面好似有層冰薄包住，哎落好清爽同嫩，亦冇草青味唔澀！🤍 🐮揀左呢個牛肉係美國肥牛🥩（$128），MENU之中最便，淥到過熟都完全唔鞋，好柔軟彈口，就算個沙嗲湯底咁重口味都冇遮到個濃牛味!💕呢個都覺得好食。咁其他個D咪仲正🤤見到佢個牛魔王塔真係吸引到呢🙈。可惜自己叫唔到，如果有多啲人share就好啦! 手打芝士牛丸（$68），咬落鬆軟多汁，入面既芝士質地有D似滑豆腐，好攪笑。仲以為會係拉絲芝士🤭。🥟手工雲吞（$48）既豬肉同蝦都好新鮮。仲叫左鳳城水餃（$48），但唔知點解會有芹菜係入面😮比較岩愛芹人士！（我唔係🤣）🌽栗米（$28）超甜好多舊 !響鈴卷（$28）粗身大大條，唔會浸完湯汁就縮哂水，表層酥軟，豆香比平時的濃。❗️佢個調味盤入面個🌶辣椒醬真係不得了，好鮮咸香，超多蝦米干貝魷魚etc，平時中意食XO醬既人一定會好中意!（即係我😋）。