Wagyu Ya (已結業)

☆ 𝙒𝙖𝙜𝙮𝙪 𝙔𝙖 (𝙋𝙖𝙧𝙩 1)尖沙咀金馬倫道29A號地舖✦ 和牛鵝肝三文治首先食落好香牛油味，麵包烘過好香口，夾住中間有吉列和牛同鵝肝，和牛外脆內軟入口即溶，鵝肝味濃，真係邪惡得黎又好好食。食完嘅時候店員仲即刻奉上冰鎮話梅車厘茄，一解油膩感，但我想講其實好食到食完想再食(˶‾᷄ ⁻̫ ‾᷅˵)✦ 和牛沙律輕輕燒過嘅和牛好嫩滑，沙律菜配胡麻醬大人細路都鍾意。✦ 和牛紫蘇天婦羅紫蘇葉卷住和牛製成天婦羅，外脆內軟，仲要勁粉嫩，除左想咬就係想咬。PS: 擺盤都好靚✦ 和牛拼盤（牛舌、西冷、肉眼、牛三角、薄燒）今日繼續回味牛牛，呢個拼盤有唔同部位，岩晒選擇困難症嘅我(〃ω〃)薄燒由店員燒，大大塊，燒完可以包住葱同炸蒜然係點蛋汁食，入口嫩滑，點埋蛋汁多埋蛋香味，口感一流。之後嘅都係自己燒，全部都好好食，牛舌爽口彈牙，牛三角入口即化，好鬼正，我自己覺得就咁食都已經好好味，但其實有岩鹽、燒汁同wasabi可以按自己需要添加。✦ 和牛櫻花蝦舞茸釜飯呢個真係好食到傻左，一打開已經香到不得之了，牛好食就唔特別再講，入面每粒飯都粒粒分明軟硬適中，配埋櫻花蝦同舞茸一齊食真係100分！✦ 麵豉湯配料好多，暖胃好