一牛越南粉專門店 (已易手) 新餐廳

🐮牛魔王會喜歡的方便嘅外賣火鍋set🐮～～～最近夜晚冇得出去食 但係天氣又好凍 我同大舊又好想食火鍋 同時我哋兩個又好懶 懶得去買野返屋企慢慢打 所以就去咗屋企附近呢一間越南餐廳 買外賣越式牛肉火鍋返屋企食～～～呢間嘢係屋企附近開咗有一段時間 之前都未食過 難得見佢有火鍋就過嚟試一試 ～～～佢哋有一人用嘅餐 亦有兩人用嘅餐 我哋就叫咗兩人份嘅 裏面包括有牛腩 牛展 牛筋膜 牛白肉 美國牛肩 美國雪花牛小排 手打牛丸 菜 金菇 冬菇 生菜 芽菜同越南河粉 非常豐富 有肉 有菜 有澱粉 兩個人完全夠食 而且牛魔王見到真係心心眼😆～～～我哋最後仲食唔晒 留返啲第二日自己再攞嚟煮麵食 如果你係超級大食嘅話 覺得唔夠 仲可以額外追加～～～味道方面整體質素都唔錯 牛肉嘅顏色幾紅 味道食落去都幾鮮 牛丸咬落去bit汁 最緊要係真係好方便 佢哋俾晒所有嘅野你 食物配搭亦都幾均衡 而且有埋湯底 對於我哋呢啲懶人來講真係好方便😛唔錯～～～推薦度：🔥🔥🔥🔥🔥🔥🔥一牛越南粉專門店 (上環)上環文咸東街49號地舖