影片
更多
2023-05-12
609 瀏覽
媽媽節除咗中餐之外食西餐亦都好正㗎 ！好似我老婆大人咁都幾鍾意食西餐，所以呢日我哋就同埋朋友就去咗香港黃金海岸酒店再食媽媽節食大餐，大家唔好唔記得我哋有兩個仔一個係車車一個係Wagon！所以絕對冇大細超車仔、Wagon各請一餐媽媽節飯。今次呢餐係喺香港黃金海岸酒店入面嘅Gold Coast Prime Rib嗰度食，咪以為佢剩係得牛肉正呀原來仲有好多正嘢都好好食㗎。一坐低即刻送嚟熱辣辣嘅麵包，幾款都好好味搽厚厚嘅口牛油落去食更加正斗。除咗有好嘢食之外飲品都好特別，因為呢期餐廳同Twinings合作推出咗茶調特飲，總共有四款我哋嗌咗其中三款嚟試。我呢杯係雞尾酒Earl Grey Cosmo，係用Vodka同埋伯爵茶加紅莓、檸檬汁整出嚟嘅Cocktail，味道酸酸甜甜咁幾好飲㗎。我哋呢晚要食嘅係餐廳精選海鮮及燒牛肋排雙人套餐，第一味上枱嘅係海鮮拼盤入邊有齊波士頓龍蝦、虎蝦、藍青口、海蜆仲有黑魚子扇貝，呢一個勁大嘅海鮮拼盤兩個人食會唔會太大啊！龍蝦同埋虎蝦都好新鮮好鮮甜，不過講到最正嘅我覺得係呢一個配咗黑魚子嘅扇貝，肉質好紮實味道又鮮甜加埋鹹香嘅黑魚子食落好有層次。食完凍冰冰嘅海鮮跟住嚟一碗
今次呢餐係喺香港黃金海岸酒店入面嘅Gold Coast Prime Rib嗰度食，咪以為佢剩係得牛肉正呀原來仲有好多正嘢都好好食㗎。
一坐低即刻送嚟熱辣辣嘅麵包，幾款都好好味搽厚厚嘅口牛油落去食更加正斗。
除咗有好嘢食之外飲品都好特別，因為呢期餐廳同Twinings合作推出咗茶調特飲，總共有四款我哋嗌咗其中三款嚟試。
我呢杯係雞尾酒Earl Grey Cosmo，係用Vodka同埋伯爵茶加紅莓、檸檬汁整出嚟嘅Cocktail，味道酸酸甜甜咁幾好飲㗎。
我哋呢晚要食嘅係餐廳精選海鮮及燒牛肋排雙人套餐，第一味上枱嘅係海鮮拼盤入邊有齊波士頓龍蝦、虎蝦、藍青口、海蜆仲有黑魚子扇貝，呢一個勁大嘅海鮮拼盤兩個人食會唔會太大啊！
龍蝦同埋虎蝦都好新鮮好鮮甜，不過講到最正嘅我覺得係呢一個配咗黑魚子嘅扇貝，肉質好紮實味道又鮮甜加埋鹹香嘅黑魚子食落好有層次。
食完凍冰冰嘅海鮮跟住嚟一碗熱辣辣嘅法式焗芝士洋蔥湯，平時唔好洋蔥湯嘅我覺得呢個湯味道好唔錯，湯底好香濃加埋啲焦糖味嘅洋蔥大大碗我都飲晒。
未食完個套餐就上甜品？非也呢一個檸檬青檸雪葩原來要嚟清下個口，一陣間就可以試真啲其他菜嘅味道。
每個2人套餐都會有招牌特式切(8安士)牛肋排，另外仲有時令蔬菜同埋約瑟布甸，老婆大人唔食牛肉呢八安士就交俾我啦嘿嘿！叫咗五成熟出嚟都煮得啱啱好，牛肉夠淋身加埋啲肉汁一齊食就更加正斗。
除咗牛肉呢個套餐仲會有一個主菜可以揀，老婆大人就揀咗呢個烤挪威三文魚扒，三文魚塊皮脆到好似薯片咁入面啲魚肉都好嫩好鮮味，配菜有啲蘆筍、西蘭花同埋粟米芯全部都係佢鍾意食嘅！我呢就鍾意個烚薯點啲香檳汁食正呀喂。
另一份套餐嘅主菜朋友揀咗紅菜頭意大利飯，顏色紅卜卜咁好鬼囍慶，啲飯食落去煙煙韌韌幾有咬口，配埋我鍾意嘅水煮蛋、黑松露片、巴馬臣芝士仲有香口嘅法蔥好味喎。
最後嘅甜品係蘋果金寶配雲呢拿雪糕，個金寶做得好脆口感一流，如果鍾意玉桂味呢個就啱晒你。
臨尾再整返杯套餐包埋嘅川寜靚茶真係滿足晒喇！由而家開始到5月14號加多＄100即係＄1388就可以食呢個二人套餐，仲有個勁靚嘅音樂盒送係咪好正呢。
除咗食二人套餐外原來呢個時間食下午茶一樣有音樂盒送，$688個下午茶有得食又有禮物，唔使我講你都計到條數有幾抵啦。
Gold Coast Prime Rib海岸扒房電話：24528636
地址：屯門青山公路1號香港黃金海岸酒店大堂樓層
張貼
