重慶洪鼎火鍋 (已結業)

放咗工諗住happy hour，但又開始肚餓了，咁就梗係去食火鍋順便嘆下凍啤酒啦！我朋友就建議去呢間洪鼎火鍋試下，沿樓梯進入地舖，一入内，侍應已經十分笑容滿面地招呼我哋坐上卡位。值得一讚係呢度嘅侍應都面帶笑容，仲主動推介唔同嘅拼盤套餐畀我哋選擇。我們選好湯底就點了一份盛肉拼盤 A， 再加上一杯冰凍啤酒！拼盤很細心，每款肉類都放上名牌！ 而且賣相精緻，當然係手機食先啦！美國安格斯小牛排同埋牛板腱， 都充滿牛味， 而且入口軟滑， 口感軟綿一啲渣都冇， 用料十分講究！紐西蘭羊肉片， 肉片厚薄適中， 入口滲透住微微嘅羊肉香味！西班牙黑毛豬， 肥瘦比例剛剛好， 肉質好嫩滑！呢度嘅醬油配料選擇非常豐富， 配上自家製作嘅調味料， 辣唔辣任君選擇！