老媽拌麵 (屯門市廣場1期) (已結業)

平時都見到排晒隊，以為有幾好味，點知真係好失望。第一無服務, 入到去坐底，水都唔俾杯，然後就放低叫我地QR code落單，最後收service charge,唔覺得自己享受咗啲咩服務。叫咗清燉半筋半肉麵，味精湯，牛筋份量少又散，牛展肉質好粗糙。反而蔥油嫩雞拌麵$62, 味道較好，但都係太少蔥油同醬汁。62只係單點麵既價錢，不是套餐，而且飲品按正價計算。Overall ,價錢偏貴，份量和味道一般，去超市買包裝麵返去煮可能仲好味。