永華麵家 (已結業)

細細個就食佢，這間鋪我未出世已經有，一代傳一代的竹昇麵，遠近馳名，今日到灣仔工作經過，就決定去回味一番，蝦子芥蘭，芥蘭爽甜，蝦子很香配在一起感覺就係高級菜，其實好想叫蝦子柚皮，但見到120元，所以先叫蝦子芥蘭頂住先，永華麵家的麵係唔易整，但餐牌所有食物都好貴，其實心裏面係咪過份左，當日我叫左雲吞麵，覺得42元一碗，仲好細碗，我雖然係女仔，都覺得唔夠飽無可口非其他店的麵無得比，夠幼夠煙韌，彈牙，雲吞夠皮薄，應該自己搓的，而裏面的蝦和豬肉，味道新鮮，不是急凍產品。醃蘿蔔一直我都喜歡食，酸酸甜甜好開胃，以前係大大粒的，現在切到超細粒，約1cm大細，而且係唯一免費食物，細細粒食左都唔覺， 我懷念以前大粒的時候，另外再叫左支可樂，樽裝可樂15元，禁樣一個人午餐就成9X, 其實真係貴左，但因為除左好食，回憶係無價，係這裏食麵，我相信好多人都是以前來過，佢的價錢包含左大家回憶。