創作麵工房 (已結業)

香港d日式拉麵真係好香港，用料唔係好靚唔在講，超味精及鹼水味，义燒厚得黎又'鞋'又唔好味，所以都好少可食拉麵。見到雜誌推介新開的MIST?約埋d friend去試下，真係超正，自家製的拉麵好新鮮沒有鹼水味，麵既質地軟身比已往食既好唔同，原來係呢度既特式。我鍾意呢度d义燒，厚身唔代表好著數好食，唔好睇佢薄薄地，肉質做得好柔軟入口感覺好軟綿綿。我以前曾食過d薄身但肉質好'鞋'的...失望。日本半熟蛋..正..糖心蛋..我至喜愛，咬落食到蛋白有味道好好味架。我選了有辣蔥味既拉麵，小小辣啱晒唔係好食得辣既我。日本長蔥加埋辣味，配埋雞湯湯底認真正，蔥既鮮味襯托出雞湯濃而不膩，很合我口味。甜品係綠茶慕思，做得很幼滑沒有綠茶粉渣，甜味做得剛好有清香味。餐後飲番杯熱咖啡，咖啡都幾靚架。價錢比一般拉麵係貴d，但係選料都係日本料，食物味美有水準...睇得出係用心黎做食物，環境正座位又舒適...座位很闊落椅子很好座，我就覺得物有所值啦。