影片
更多
2021-10-13
1698 瀏覽
半年前黎過呢間sake bar食lunch覺得唔錯，上個月又同同事黎，午餐有刺身同鐵板燒，套餐包沙律、前菜、麵豉湯同甜品，沙律菜好新鮮，而且兩次黎配料都唔同；前菜一次係蘆筍同無花果粒，一次就係刺身。以喺中環食一個5 course lunch黎講唔算貴，我地去嗰時咁啱仲有買三送一好抵食！我地嘅座位後有一列排到天花版嘅酒樽，同事見到好心動想飲返杯，可惜仲要返工要保持清醒。(w/ 10% service charge)🍽安格斯黑牛扒套餐 Black Angus Beef Course($188)牛扒生熟程度啱啱好，中間位置好粉嫩，完全無筋唔韌，一咬油香滿溢，配炸蒜片食無得頂！🍽煎焗法國春雞套餐 Baked French Poussin Chicken Course($138)春雞比想像中大隻，即使唔係雞腿位都好嫩滑，又保留到肉汁，如果雞皮脆身就更正。🍽鐵板燒原條鯖魚套餐 Mackerel Fish Teppanyaki Course($198)本身唔係好鍾意鯖魚，但呢度做到魚皮脆魚肉唔乾，帶油香而且腥味唔重，顛覆左我覺得鯖魚必定乾柴嘅觀感。🍽日本活性水飼豚肉生薑燒套餐 Stir-fried
🍽安格斯黑牛扒套餐 Black Angus Beef Course($188)
牛扒生熟程度啱啱好，中間位置好粉嫩，完全無筋唔韌，一咬油香滿溢，配炸蒜片食無得頂！
安格斯黑牛扒套餐
$188
20 瀏覽
1 讚好
0 留言
🍽煎焗法國春雞套餐 Baked French Poussin Chicken Course($138)
春雞比想像中大隻，即使唔係雞腿位都好嫩滑，又保留到肉汁，如果雞皮脆身就更正。
煎焗法國春雞套餐
$138
12 瀏覽
0 讚好
0 留言
🍽鐵板燒原條鯖魚套餐 Mackerel Fish Teppanyaki Course($198)
本身唔係好鍾意鯖魚，但呢度做到魚皮脆魚肉唔乾，帶油香而且腥味唔重，顛覆左我覺得鯖魚必定乾柴嘅觀感。
鐵板燒原條鯖魚套餐
$198
10 瀏覽
0 讚好
0 留言
🍽日本活性水飼豚肉生薑燒套餐 Stir-fried Japanese Yamato Pork w/ Ginger Sauce Course ($128)
豚肉片幾嫩，加埋洋蔥絲同甜甜嘅燒汁一齊炒好啱撈飯，好食但係熟悉嘅味道，同埋油左少少，相對上面幾樣無咁驚喜。
日本活性水飼豚肉生薑燒套餐
$128
12 瀏覽
0 讚好
0 留言
🍽 焦糖杏仁忌廉蛋糕卷
甜品同前菜一樣無固定款式，第一次黎係芝士蛋糕，今次就係早排好hit嘅日東卷蛋，蛋糕焦糖味頗重，忌廉杏仁味較出，有啲膩，就係日本便利店卷蛋嘅質素，唔太推薦買原條。雖然甜品唔係自家製，但食完較油膩嘅嘢以甜品作結感覺良好。
P.S. 留意返最近好似轉左menu。
張貼
