三木日本料理 (已結業)

一入到去見到座位唔算好多，地方都幾寬敞，唔洗逼埋逼埋咁食野。 一開始點左刺身、軍艦同壽司刺身方面選擇都幾多，而且都幾新鮮同鮮甜，質素唔錯。特別係八爪魚，雖然表面平平無奇，但食落鮮甜爽口，有驚喜！ 軍艦方面，d紫菜幾脆，抵讚！ Vi覺得海膽軍艦最正，口感濃郁又唔會腥！好少放題有咁足料既海膽, 其他軍艦就不過不失啦。不過全部軍艦都好足料, 特別係三文魚子有好多, 但軍艦都幾大件, 食多幾件好快飽~壽司方面，火炙壽司就最吸引，燒得岩岩好！花之戀就普普通通啦，三文魚包得唔夠實，同埋如果再多番dd沙律醬會更好食。 食完凍野就點左d熱食，有鐵板燒、串燒同炸物等等。鐵板燒既牛柳好香口同好有肉味，不過略嫌有d韌。另外點左個日式燒餅都唔錯，d醬汁撈埋一齊好惹味！ 串燒方面Vi就覺得燒菠蘿最吸引，酸酸甜甜又有d燒烤味，幾過癮！蕃薯仔都好食, 好粉，幾甜，細細粒食多幾粒都唔會太頂胃。  炸物方面幾抵讚！首先唔會太油膩，又做到外脆內軟，同埋炸粉唔會太厚！芝士年糕係Vi既至愛，好煙un芝士好流心, 不過食多塊就會覺得滯。 最後就係甜品時間！所有甜品除左tiramisu之外都幾好食，估唔到放題既甜都有水準！