上村牧場 (已結業)

來上村牧場主要係因為佢係日本過江龍品牌同埋有A4級以上薩摩牛，香港好多燒肉店都話係「和牛」但有得食優質級別嘅薩摩牛，唔係好多選擇。佢標榜係鹿兒島自家牧場養殖。時代廣場分店裝修格局好有日本feel，如果用薩摩牛黎計，其實價錢都算合理其他嘅配菜選擇都好多，有海鮮、冷麵、壽司、唔同嘅肉類、最重要係甜品有Haagen Dazs 雪糕同埋夕張蜜瓜果凍一啲特色野薩摩牛肉汁方面，放題餐入面有四款唔同部位，仲有薩摩牛壽司、薩摩牛生拌牛肉呢啲用什麼牛做嘅特別嘢食幾得意。同時我都再試左澳洲和牛比較一下，明顯薩摩牛真係同澳洲和牛有好大分別，係另一個層次同級別，肉質好鮮！特別係牛五花油脂濃郁，超正！臨走時發現午市有定食套餐，百幾蚊可以一個人自己燒，薩摩牛就要二百幾，日後口痕可以一個人來試一試。總括嚟講上村牧場好食過牛角同燒肉Like ，牛角同燒肉like係比較平民雖然係平，但係一分錢一分貨，反正都係要俾幾百蚊寧願食好啲。