豊勝手丼 (已搬遷) 新店位置

放lunch同公司同事去試咗呢間日式小店，因為上OpenRice見到佢有蟹丼食，就即刻去試啦。之前去日本食過一間好好食嘅日本蟹丼，返到香港一直都念念不忘，估唔到香港都會搵到差唔多質素嘅餐廳，同事都一直讚口不絕。叫咗個北海道蟹丼，蟹肉同埋蟹膏都好多，而且個飯係醋飯，會越食越開胃，而且同啲蟹膏蟹肉超級夾，仲有幾隻蟹鉗添，加埋沙律同埋湯，其實呢個價錢真係物有所值。同事叫咗魚生飯，啲魚生塊塊都超級厚切，甜蝦又大隻，而且好新鮮，海膽嗰隻鮮甜簡直係唔識形容。強烈推介鍾意日本嘢食嘅大家試吓