一芳台灣水果茶 (已結業)

好耐之前已經有留意呢間台式飲品店，所以知道佢黎香港開分店真係好開心，仲要開係勁就腳既旺角，簡直係九龍人既福氣！ 不過因為開店個時太多人排隊，所以就未有一試。 今次夜晚9點食完飯去到見佢唔多人排隊，又有啲口乾就諗住試下佢。 諗左好耐試咩好，因為佢有太多選擇，最後放棄左金鑽鳳梨綠試左水果茶。 嘩！冇諗過飲落去水果既果甜同茶個種澀係咁夾。 先飲到茶既苦澀再到水果既甜，慢慢係口腔散發出黎，真係不得了！ 仲要有啲百香果果籽可以咬下，勁有口感。 果然係招牌，雖然要30蚊一杯令唔少人卻步但絕對可以一試，試過真係會上癮。 不過個area有啲細唔算好多位可以比人坐，但勝在環境設計到令人諗起日本既風情又有台灣個種既休閑，下次應該會試下其他。