影片
更多
2010-10-13
9 瀏覽
今日個朋友食 lunch，今次我選擇咗去我之前報讀咖啡 couse 果間 café 食 - Barista Caffe。去到樓下，剛剛等到𨋢就有一大班人一齊入𨋢，都係上三樓？！心知不妙，因為間 café 地方唔大，加上 lunch time，如果俾佢地遲來先上岸就唔抵啦！好彩，當時都重有幾個位，不過都唔多喇！而且好快滿咗添！餐牌上嘅 set lunch 有成五、六款揀，平均都係四十蚊左右，包括有一碗餐湯、一個主菜同一杯餐飲，最吸引嘅係有 Espresso，唔洗加錢添！如果要 cuppacinno 或者 latté 都係加五蚊；因為兩個為食鬼去，樣樣都想食，結果叫咗兩個 set lunch，兩份食！忌廉蜆肉洋蔥湯好 creamy，不過冇乜海鮮嘅鮮甜，雖然係咁，但係都唔錯架！白汁三文魚菠菜螺絲粉清淡嘅意粉配上香口嘅三文魚同新鮮嘅菠菜，唔會煮到淋晒，good!!煙鴨胸 Pizza好豐富嘅芝士，餅底好似有 d 酥皮嘅感覺，厚道適中，加埋 d 沙律菜中和番，唔會覺得太咸、太 "漏"，實在令人回味無窮！朋友嘅餐飲 - 咖啡個樣好似唔錯，表面嘅 creama 好似好豐富，可惜我對錯焦...... 我
去到樓下，剛剛等到𨋢就有一大班人一齊入𨋢，都係上三樓？！心知不妙，因為間 café 地方唔大，加上 lunch time，如果俾佢地遲來先上岸就唔抵啦！好彩，當時都重有幾個位，不過都唔多喇！而且好快滿咗添！
餐牌上嘅 set lunch 有成五、六款揀，平均都係四十蚊左右，包括有一碗餐湯、一個主菜同一杯餐飲，最吸引嘅係有 Espresso，唔洗加錢添！如果要 cuppacinno 或者 latté 都係加五蚊；因為兩個為食鬼去，樣樣都想食，結果叫咗兩個 set lunch，兩份食！
忌廉蜆肉洋蔥湯
好 creamy，不過冇乜海鮮嘅鮮甜，雖然係咁，但係都唔錯架！
白汁三文魚菠菜螺絲粉
清淡嘅意粉配上香口嘅三文魚同新鮮嘅菠菜，唔會煮到淋晒，good!!
煙鴨胸 Pizza
好豐富嘅芝士，餅底好似有 d 酥皮嘅感覺，厚道適中，加埋 d 沙律菜中和番，唔會覺得太咸、太 "漏"，實在令人回味無窮！
朋友嘅餐飲 - 咖啡
個樣好似唔錯，表面嘅 creama 好似好豐富，可惜我對錯焦......
我嘅Espresso
香濃中帶少少甜，creama 亦豐富，不過唔夠 long lasting，但係已經滿足咗我呢個咖啡精 ~ ha...
撥開少少 d creama，睇睇入面 ~
總括黎講，雖然 d 食物唔係真係話超正，但係咁嘅價錢，重要冇加一，咁嘅質素喺尖沙咀，實在係難得！如果有機會都要去試埋佢嘅早餐同晚餐！
p.s.: 喺一個咁煩忙嘅午餐時段，waitress 姐姐服務態度都好好呀！冇口面、冇大力放食物、又有效率、又唔會催人埋單；重有，我點 espresso 時，waitress 姐姐好好心咁提一提我：「好濃嗰噃！」，very good!!
張貼
