影片
更多
2014-04-30
1812 瀏覽
其實已經第二次幫襯，個人覺得食物質素OK，但不算超值。8人$198餐，避風塘炸茄子，夠乾身，茄子軟滑。蟶子比上次小，而且有少少過熟。美極花竹蝦保持高水準，厚肉，調味恰到好處。海魚兩條，一條青班普通，一條紅色唔知乜魚，肉很滑很甜。鎮江一字排、藕餅亦好味。南乳雞欠南乳味，若當是炸子雞則無問題。上次的菜苗變成唐生菜，不過不失。最後龍蝦湯泡飯，無龍蝦味，一般。另加$168和牛粒，非常鹹，非常後悔。最後芒果布甸，啫喱同奶無搞勻，杯底有半cm淨啫喱，唔識欣賞。坦白講，食物質素不壞，但份量對一般女孩子來說只是剛好。今次有人甩底，7人食8人份量，也只是剛好而已。而且上次泡飯勁油，因飯先炸後泡，所以訂檯時已聲明泡白飯即可。攞檯時又再提醒，但上菜時仍然是炸脆米。雖然侍應之後換回泡白飯，但不禁讓人質疑樓面與廚房的溝通。最後，上完甜品之後，我地坐咗近20分鐘，然後一齊起身離開。我是最後一個，到收銀機埋單。唔知嗰個係老闆娘定邊位，好大聲話：「走得咁急呀。」我不以為意，畀錢。出咗門口等𨋢，佢繼續講咗三、四次，「走得咁急喎」，「走得咁急都有嘅」。好似得罪佢咁。奉勸各位離開前，每十分鐘、五分鐘通知佢一聲，否則佢又不滿
8人$198餐，避風塘炸茄子，夠乾身，茄子軟滑。蟶子比上次小，而且有少少過熟。美極花竹蝦保持高水準，厚肉，調味恰到好處。海魚兩條，一條青班普通，一條紅色唔知乜魚，肉很滑很甜。鎮江一字排、藕餅亦好味。南乳雞欠南乳味，若當是炸子雞則無問題。上次的菜苗變成唐生菜，不過不失。最後龍蝦湯泡飯，無龍蝦味，一般。另加$168和牛粒，非常鹹，非常後悔。最後芒果布甸，啫喱同奶無搞勻，杯底有半cm淨啫喱，唔識欣賞。
坦白講，食物質素不壞，但份量對一般女孩子來說只是剛好。今次有人甩底，7人食8人份量，也只是剛好而已。而且上次泡飯勁油，因飯先炸後泡，所以訂檯時已聲明泡白飯即可。攞檯時又再提醒，但上菜時仍然是炸脆米。雖然侍應之後換回泡白飯，但不禁讓人質疑樓面與廚房的溝通。
最後，上完甜品之後，我地坐咗近20分鐘，然後一齊起身離開。我是最後一個，到收銀機埋單。唔知嗰個係老闆娘定邊位，好大聲話：「走得咁急呀。」我不以為意，畀錢。出咗門口等𨋢，佢繼續講咗三、四次，「走得咁急喎」，「走得咁急都有嘅」。好似得罪佢咁。奉勸各位離開前，每十分鐘、五分鐘通知佢一聲，否則佢又不滿。而且唔好自己去收銀機埋單，佢年紀大需要慢慢打單，佢企響佢側邊畀壓力佢，佢吾高興。
題外話/補充資料：
久久來吃一次還可。因菜式無乜變化
(以上食評乃用戶個人意見 , 並不代表OpenRice之觀點。)
張貼