御滿屋日本料理

營業中

休息中

平日收工後去御滿屋，都要排隊輪候先入到去，等左一陣先有位，下次再去要預約book位先得！！一入到去就見到一列飲品櫃，選擇繁多。另外一邊就係各款各樣既甜品，仲可以自己唧雪糕！佢地既雪糕櫃除左有一般韓國牌子既雪糕外，竟然仲有Häagen-Dazs 同埋 movenpick，仲要任食，實在令人驚喜！坐低掃QR code落單後就可以出去拎甜品雪糕先🫣🫣蟹腳🌟🌟🌟🌟🌟先黎試下蟹腳，每隻蟹腳都好多肉，鮮味肥美，啱曬鍾意食蟹既朋友！ 食到一手都係蟹肉同汁🙈蒜蓉燒生蠔 🌟🌟🌟🌟🌟蒜蓉唔會搶左生蠔既鮮味，食落去每隻都香口飽滿，唔會韌！蒜蓉同生蠔配搭係最適合！！泰味冷鮑魚🌟🌟🌟🌟🌟鮑魚遇上泰式醬汁，酸酸甜甜，別有一番風味，醬汁更可以用黎沾其他刺身！鮑汁燜花膠🌟🌟🌟🌟花膠已經燜到諗，入口即溶。羊架🌟🌟🌟🌟一擺上台已經聞到好香既香料味，有孜然同胡椒，羊架食落去嫩滑，齒頰留香，但略有少少鹹，食完一件之後要不斷飲水薑蔥炒蟹🌟🌟🌟蟹冇麥蟹膏/肉，同埋略鹹，食左其他刺身菜餸之後，頓時覺得薑蔥炒蟹失色不少！