kikusan

營業中

休息中

去咗置地廣場食tea，諗住喺呢個地段嘅餐廳都唔平，點知行行吓發現左呢間kikusan，係一間主打中曰fusion菜。我哋二人點左一個雞肉小籠包，同埋一個甜品，花生黑芝麻驢打滾。小籠包嚟到喇，一共有四隻。係喺度諗緊一間fusio餐廳的小籠包應該唔會做得特別出色嘅時候，我發現我真係諗錯咗啦。小籠包個皮真係好薄喎，我自問筷子功都唔差，不過連夾兩次個皮都差一點要穿。第一次食雞肉餡，比豬肉冇咁濃味，感覺較為清淡健康，但個人依然都係鍾意豬肉多少少，不過雞肉餡咁新穎嘅都值得一試。至於甜品驢打滾，睇個名都唔係好知係乜嘢嚟。不過睇幅相大概係一啲糯米茲沾滿左芝麻花生碎。估唔到佢嗰個糯米皮都做得好軟熟，而且每層糯米皮中間都塗上一層花生醬，好有心思。至於芝麻炒得好香脆可口，連埋花生同糖一起吃，都幾好味。略嫌糖嘅份量稍多，如果可以減半嚟就剛剛好啦。