影片
更多
2010-05-01
6 瀏覽
今日(1-5-2010 Sat)想出街買o野,但男友又返工做o野,於是陪佢,到佢做完o野交埋o野到尖沙咀都肚餓,時間係2點喇,佢話行o黎厚福街睇,啊.見到呢間話有串燒就試吓.我o地叫o左兩個set lunch,一個$38.00咖哩牛舌烏冬要熱桂花蜜.$44.00胡麻沙津冷烏冬要熱蜂蜜綠茶.之後又想叫小食,就睇睇,都叫o左$16.00o既和牛大蔥串同$15.00煙肉脆心串.兩杯飲品先到,我飲我o既桂花蜜,暖暖的,飲到桂花味,蜜糖味就唔係太多.之後我o既咖哩牛舌烏冬到o黎,睇睇原來唔係湯烏冬,咖哩汁好多,牛舌有五片,但烏冬好少.咖哩味香唔太辣,牛舌切到有一厘米厚,好正啊!食落牛肉味好濃好濃,但唔知切法係咪唔同,有一片夠腍,一片有啲硬.而烏冬呢,被杰杰地o既汁黏住,口感唔係好彈牙,一般.男友o既胡麻沙津冷烏冬就大大碟,在兩個蕃茄,好多粟米同生菜,放底o既烏冬又係好少.汁係見到有好多芝麻,似香港花生醬o既味道好好味,材料新鮮.而和牛大蔥串,和牛有四件,大蔥有兩件,和牛味道亦都好濃,燒汁甜甜地,大蔥就真係一定要夾埋和牛一齊食至好食.男友被煙肉脆心串個名吸引而叫,o黎到時只有三件,而煙肉卷住o既唔
見到呢間話有串燒就試吓.我o地叫o左兩個set lunch,一個$38.00咖哩牛舌烏冬要熱桂花蜜.$44.00胡麻沙津冷烏冬要熱蜂蜜綠茶.
之後又想叫小食,就睇睇,都叫o左$16.00o既和牛大蔥串同$15.00煙肉脆心串.
兩杯飲品先到,我飲我o既桂花蜜,暖暖的,飲到桂花味,蜜糖味就唔係太多.之後我o既咖哩牛舌烏冬到o黎,睇睇原來唔係湯烏冬,咖哩汁好多,牛舌有五片,但烏冬好少.咖哩味香唔太辣,牛舌切到有一厘米厚,好正啊!食落牛肉味好濃好濃,但唔知切法係咪唔同,有一片夠腍,一片有啲硬.而烏冬呢,被杰杰地o既汁黏住,口感唔係好彈牙,一般.
男友o既胡麻沙津冷烏冬就大大碟,在兩個蕃茄,好多粟米同生菜,放底o既烏冬又係好少.汁係見到有好多芝麻,似香港花生醬o既味道好好味,材料新鮮.
而和牛大蔥串,和牛有四件,大蔥有兩件,和牛味道亦都好濃,燒汁甜甜地,大蔥就真係一定要夾埋和牛一齊食至好食.
男友被煙肉脆心串個名吸引而叫,o黎到時只有三件,而煙肉卷住o既唔係翠肉瓜亦唔係露筍,竟然係…..椰菜o既莖,真係估都估唔到佢o地咁物盡其用,諗到呢個菜o既應該加o左大工同升職,.講返味道,呢個煙肉鹹淡適中,可惜真係好搵笨.
食完呢餐其實都只係o岩o岩好
張貼