彤粵菜小館 (已結業)

位於尖沙咀太子大廈嘅中菜館，首先呢間餐廳裝修十分之舒服，令人有種好似穿越左古代北京。不論裝修環境，定碗碟擺放得十分之整齊，碗碟條紋都十分之精緻係忙碌工作過後，可以在舒適的環境下享受廚師帶色香味俱全嘅粵菜。首推黃金炸魚皮，每一塊魚皮都比鹹蛋黃包住，食落響脆聲音，而且鹹蛋黃一啲都唔油膩食落好似芝士一樣香味濃郁。加上魚皮小小鹹配合，整體係非常好味。總有其次番薯仔牛柳粒，薯仔牛柳粒食得多啦，第一次食番薯炒牛柳粒。番薯炸得金黃鬆脆，食落好香甜味道，而且加上糖炒過蕃薯，令到蕃薯甜度更加甜。而且非常之唔油膩。加上蕃薯外脆內軟真係好好食。總有菠蘿咕嚕肉，呢個咕嚕肉酸甜度掌握得非常好，而且炸得非常香口而且肉質非常彈牙加埋個醬汁，真係回味無窮。最後生炒菜心，呢個菜心係精挑細選過係選取菜心最爽嫩嘅部份，加上大火炒過嘅蒜香味配合埋菜心真係好惹味。