稻菊日本餐廳 (已結業)

前晚個朋友生日就唸住同佢去間高級少少嘅餐廳食飯啦！唸住又有海景，都叫做有啲睇頭！所以去咗稻菊食飯！睇咗好多餐牌都唸唔到，個侍應就行過嚟問我哋想食啲咩！我哋就話咩都想食啲囉！佢就介紹咗個$980嘅餐比我哋！我一睇到又有刺身，天婦羅，鉄板燒就話要哩個餐，啱哂我！前菜有個魷魚仔！又幾好食喎！跟住食個刺身，哈！有我最鍾意食嘅拖羅同牡丹蝦，仲有大池魚添！飲完個湯就到傳聞出名嘅天婦羅！都達標！份量都唔少，又蝦又魚又菜！跟住仲有個日本宮崎牛肉小鍋，清清地，又ok喎！食完個沙律就到鉄板燒，其實我都飽飽地，但係見到啲龍虾同銀鱈魚又唔捨得唔食佢哋！唉！終於抖咗四個字先可以食埋個稻庭烏冬同甜品！我覺得以哩個價錢食哩啲嘢又真係幾抵食嘅！仲要中環區！單點都唔止啦！好采啱啱又有AE黑咭啫！有85折！哈！$2000有找！