東哥點心籠仔蒸飯專門店 (已結業)

今日同男朋友嚟到旺角行街，行到夜晚突然好想食點心，但點心通常都係得下午先有得食，好彩我哋搵到旺角有東哥點心專門店，發現佢除咗有點心食，仲有得打邊爐，係最近咁凍嘅天氣打邊爐真係啱晒，一入門口嘅右手邊就係雪櫃好方便可以拎嘢飲，坐低之後我哋第一時間叫咗一啲點心，發現佢嘅點心都好大，牛肉燒賣同牛肉球都好巨型，而且都好好食，食過點心之後，我哋就叫咗雞煲食，我哋叫咗小辣，但佢嘅雞煲真係好惹味，食落去有少少麻，但真係好好食，之後就落單叫其他打邊爐必食嘅菜，例如芝士腸，牛肉等等，佢上菜嘅速度亦都好快冇咩等候嘅時間，就算肚餓都唔怕要等好耐。而且佢嘅牛肉亦都好新鮮，算得上係物超所值，鍾意食點心又想打邊爐嘅朋友不妨可以黎試吓