新寶馬茶餐廳小廚

營業中

休息中

難得放假又好天，就決定走入坪洲行下。入到去行咗一陣就經過到呢間新寶馬茶餐廳，行到成身汗，就一於入去試吓。雖然店舖唔大，但係裝修都好冰室feel，座位好舒服休閒，店員服務好好，會盡力安排好座位同埋介紹下有咩好食。估唔到諗住依間係懷舊港式冰室，點知入面嘅菜式都幾創新，好多野都好吸引，最後揀左依個餐廳既人氣之選- 菠蘿包夾雪糕！菠蘿包個皮整得特別脆，中間夾住兩球三色雪糕，依個組合令我諗到日本既密瓜包夾密瓜雪糕，估唔到依間餐廳令我一解思鄉之愁。呢個菠蘿包都唔算好甜，所以唔使擔心同雪糕食會更加甜，加上菠蘿包脆脆地熱熱地， 雪糕就軟軟地凍凍地，口感都真係幾過癮好正。在島上覓食的話，必訪依間新寶馬茶餐廳，用料講究創新又煮得好食，環境氣氛非常好，絕對不能錯過。