回到味來 (已結業)

Happy Friday,約左朋友放工到旺角飯聚。朋友book左回到味來，一齊品嚐海鮮火鍋😁旺角都有好多間食海鮮火鍋既食市，揀回到味來既原因係佢有兩大特色：$248海鮮火鍋半放題套餐，可以先揀食雞煲或卜卜蜆，雞煲同卜卜蜆都可以食完再添食😆😆雞煲份量多，雞肉大件啖啖肉，我地揀左BB辣，辣度適中。食雞煲前，仲有前菜金蒜咸蛋蒸扇貝，一人一隻，勁多蒜蓉同咸蛋，扇貝好鮮味😋第二特色十分好服務，無論係飲品或是火鍋配料，只需點紙下單，侍應就會將飲品及火鍋配料送到我們張枱😌坐定定就有得食有得飲，十分舒服方便！另外套餐係包送上6-8款豐富生猛海鮮拼盤及手切牛頸脊，海鮮拼盤有帶子、海蝦、飽魚、扇貝⋯海蝦仲好生猛，跳緊⋯😃火鍋湯底有4款：黃金南瓜海蜆湯、蕃茄濃湯、四川麻辣湯、芫茜皮蛋湯，我地揀左蕃茄濃湯。火鍋配料多達61款選擇💕食到飽飽離開。