影片
更多
2017-11-25
339 瀏覽
早排同朋友傾計講開北角有咩好食,佢就推介左依間餐廳,佢話絕對物超所值。薯條都有越來越多食法,但係點都吾夠黃金炒薯條甘正甘邪惡。鹹蛋黃加埋香脆嘅薯條, 食到停唔到口,不過膽固醇同脂肪一定爆晒錶。有3大塊帆立貝,味道新鮮好鮮甜,口感仲夠嫩,完全唔會有最怕煮到太靭嘅情況出現。意大利飯亦夠creamy,黑松露香味非常之濃郁,令到食完有齒頰留香嘅感覺。雙重芝士脆墨汁薄餅亦係依到嘅自家研發手工招牌菜。8大片墨汁餅底皮薄鬆脆可口再上鋪滿大量芝士,拉絲效果極佳,而且中間仲有香濃軟滑嘅cream cheese,相當滋味而且好足料。Lunch set 仲包埋自家製牛油麵包配沙律，微暖嘅牛油麵包外脆內軟,沙律菜都新鮮爽脆。Lunch set加$15就可以upgrade 依2杯乳酸特飲。上枱果下我真係心心眼,因為真係好靚好壯觀,乳酸上層有大量泡沫,好夢幻。飲落有淡淡玫瑰味/荔枝味,而且吾會不甜。
薯條都有越來越多食法,但係點都吾夠黃金炒薯條甘正甘邪惡。鹹蛋黃加埋香脆嘅薯條, 食到停唔到口,不過膽固醇同脂肪一定爆晒錶。
有3大塊帆立貝,味道新鮮好鮮甜,口感仲夠嫩,完全唔會有最怕煮到太靭嘅情況出現。意大利飯亦夠creamy,黑松露香味非常之濃郁,令到食完有齒頰留香嘅感覺。
雙重芝士脆墨汁薄餅亦係依到嘅自家研發手工招牌菜。8大片墨汁餅底皮薄鬆脆可口再上鋪滿大量芝士,拉絲效果極佳,而且中間仲有香濃軟滑嘅cream cheese,相當滋味而且好足料。
Lunch set 仲包埋自家製牛油麵包配沙律，微暖嘅牛油麵包外脆內軟,沙律菜都新鮮爽脆。
Lunch set加$15就可以upgrade 依2杯乳酸特飲。上枱果下我真係心心眼,因為真係好靚好壯觀,乳酸上層有大量泡沫,好夢幻。飲落有淡淡玫瑰味/荔枝味,而且吾會不甜。
張貼
