影片
更多
2019-09-23
2451 瀏覽
又係荃灣呀各位，鬼叫你個老友住荃灣咩，不過不能否認荃灣真係好多又平又抵食既餐廳，今日等埋個老友收工去食晚飯，大鴻輝大部份餐廳都食過，今次見到間寫住火鍋天富羅刺身樣樣餐既稻八餐廳，就上去試下啦今次揀左米國特上牛肉套餐，事關我地兩個都係牛肉控，緊係食特上牛肉啦！然後就係揀湯底，見有個冬蔭功毛蟹湯底，就嚟個日泰火鍋crossover 啦，試新野係我地既使命！😂就睇下個combination 夾唔夾先毛毛蟹鍋到喇！都真係好香冬陰公味，入邊有青檸，香茅，香葉，仲有啲薑癖腥味，辣就唔辣，酸酸味味好開胃！正隻毛毛蟹仲有好多膏㗎👍🏻👍🏻見佢仲有刺身可以單點，就叫左幾件試吓，入座後仲俾埋張雪糕紙for返三種牌子嘅雪糕，不過其實唔止呢三隻雪糕，入面仲有部大雪櫃有各式各樣唔同嘅雪糕放題。醬料款式居多，最抵讚之處係佢有日式前菜，水未滾可以攞住啲嚟食醫下肚先，中華沙律夠晒爽口，充斥香噴噴嘅芝麻油，螺肉同埋八爪魚都好好食，出面現成買嗰啲通常都好甜，但係呢隻好岩我口味，唔會太甜漿住把口。蔬菜類你諗得到嘅都有，全部自助形式，想食幾多就拎幾多，而且新鮮清甜可口。丸類加加埋埋成十幾款，想食邊樣揀邊樣，不過都係果句食得晒先
今次揀左米國特上牛肉套餐，事關我地兩個都係牛肉控，緊係食特上牛肉啦！
然後就係揀湯底，見有個冬蔭功毛蟹湯底，就嚟個日泰火鍋crossover 啦，試新野係我地既使命！😂就睇下個combination 夾唔夾先
毛毛蟹鍋到喇！都真係好香冬陰公味，入邊有青檸，香茅，香葉，仲有啲薑癖腥味，辣就唔辣，酸酸味味好開胃！正
隻毛毛蟹仲有好多膏㗎👍🏻👍🏻
見佢仲有刺身可以單點，就叫左幾件試吓，入座後仲俾埋張雪糕紙for返三種牌子嘅雪糕，不過其實唔止呢三隻雪糕，入面仲有部大雪櫃有各式各樣唔同嘅雪糕放題。
醬料款式居多，最抵讚之處係佢有日式前菜，水未滾可以攞住啲嚟食醫下肚先，中華沙律夠晒爽口，充斥香噴噴嘅芝麻油，螺肉同埋八爪魚都好好食，出面現成買嗰啲通常都好甜，但係呢隻好岩我口味，唔會太甜漿住把口。
蔬菜類你諗得到嘅都有，全部自助形式，想食幾多就拎幾多，而且新鮮清甜可口。
丸類加加埋埋成十幾款，想食邊樣揀邊樣，不過都係果句食得晒先好拎啦！我最愛嘅蟹粉包同墨魚丸都係用貴果隻，即係唔會係平時街市買嗰啲cheap雞貨，全部都好好食。
圖片最側邊有兩個電飯煲，入面係日式咖喱同埋白飯，果然係乜都有既放題，選擇眾多，雖然我冇食，不過打開個煲八卦嗰陣時都聞到好香喇！
因為太多食物所以我將啲相come by 成一張。介紹返，以上嘅肉類都係套餐包嘅，可以無限refill ,最好食梗係特上牛肉啦！油花分布平均，牛味香濃而嫩滑！好正！進口牛肉都唔差，唔同其他鋪頭用冰鮮肉，牛味雖然唔夠特上牛肉咁濃味，但勝在一啲都唔韌！食幾多都唔厭😋豚肉爽口彈牙而且薄切，豚肉味更突出，一啲都唔肥膩！羊肉唔會蘇，平時唔多食羊既我都接受到！上面嘅雞肉係嚟自北海道，本來以為白靸雞肉會好韌，但套餐包埋都試吓啦，點知又唔係喎，一試愛上，唔單止一啲都唔韌，係可以用淋同滑去形容，而且無流失雞肉既味度！讚！
呢度唔只有得食仲有得玩㗎，呢個自助式天婦羅烹飪區，首先喺隔離雪櫃揀咗自己鍾意嘅食材，然後就可以喺旁邊自己炸，想香脆啲又得姐！
旁邊仲有唔同嘅調味粉可以自己加返，咩味都有！蘿蔔蓉都有，如果有埋沙律醬就冇得頂喇！👏🏼
刺身都好新鮮好好味，一定要追加！
餐廳店員服務都好周到，一眼關七，見到湯底冇湯嘅時候，呢頭諗住叫嗰頭已經拎住碗壺過嚟加，另外雪櫃嘅飲品都屬於比較貴價嘅飲料，連sunkist既西柚汁都有！呢度唔單止嘢食種類多，湯底，飲品同埋甜品嘅種類都好多，打邊爐，天婦羅，刺身。。。一次過滿足晒所有人嘅願望，咁大圍食飯就唔使再就來就去啦！推薦👍🏻
張貼
