南駅 (已結業)

行過見到呢間鋪面幾高檔，又驚太貴唔敢盲鐘鐘入去，所以上網search完價錢再去，今次食完發覺物超所值。八點食飯時間當然多人啦，都等左10分鐘左右，就有位坐啦。職員都非常快手快腳，坐底就即刻比水同餐牌。見食過既人都推介海南雞飯我地又點可以錯過呢。叫左清遠雞，聽個名都流口水。另外叫左海膽炒飯同瑞士雞翼，一枝有汽蘋果汽水同熱檸茶。晚市以為上菜時間都要等咁上下，點知不出七八分鐘就上菜，海南雞用透明碟送上，晶瑩剔透，清遠雞、豆角、三種特別調制的醬料，雪耳菜湯、加上一碗香口的白飯，未食已經知道味道如何。清遠雞鮮嫩，肉質彈牙，不虧人地話清遠的雞是最好吃的，一吃便上癮。雪耳菜湯清而有味，雖則以菜來煲湯，但飲落去如有肉的味道，絕不是配角。海膽炒飯都是重頭戲，飯炒得粒粒金香，足料的蝦仁，再加上新鮮的海膽，好比食海鮮的地方吃的菜式，有過之而無不及。瑞士雞翼餣得剛好，而且焗的火喉和時間掌控也是很好，咬下去有juicy的肉汁溢出，皮脆肉鮮，還想多吃幾隻呢。